[2010/08/05]《3週刊》 楊怡笑吳卓羲食螺絲 (轉怡居)

中環

楊怡自從《宮心計》中憑奸到出汁姚金鈴一角上位後，順利成為無線一線花旦，亦證明佢演技有番咁上下，而入屋佢，唔少劇集都必定搵佢做女主角，而最近佢擔正劇集就有齣《點解阿Sir係阿Sir》，而佢劇集裏面重會做Miss，與陳豪、吳卓羲、鍾嘉欣開展一段愛情錯配四角關係。
日前好姨中環遇到楊怡同吳卓羲，佢正在拍攝《點解阿Sir係阿Sir》戲份，當日楊怡心情非常之好，不時笑住同好姨Say Hi，同吳卓羲更加係有講有笑，不過最厲害係佢對戲時，楊怡可以即時入到戲，由笑騎騎變成愁眉苦臉，露出傷心欲絕表情，反而吳卓羲就依然唔夠咁樣，重不時講錯對白食晒螺絲，楊怡忍唔住拎份劇本出指俾佢睇，搞到吳卓羲勁尷尬。
吳卓羲雖然累楊怡遲收工，但其實佢私底下都幾老友鬼鬼，吳卓羲重休息期間拎部iPhone出兩份玩，到楊怡鬼死咁開心，吳卓羲唔止掂同劇拍檔，拍劇途中佢重有唔少粉絲支持，其中一位小妹妹，重走上前問佢簽名添，吳卓羲雖然演技一般，但勝在靚仔兼有觀眾緣，同無契仔林真係有得揮，唔知佢有冇機會好似林峰咁紅館開騷呢？